٣ جۆری کەسایەتی لە کار دا ڕووبەڕوویان دەبیتەوە

ژینگەی کارکردن کە خەڵکێکی زۆر تێیدا کار دەکەن، بەپێی جیاوازی ژینگەیی و ئەو کۆمەڵگایەی کە لێوەی هاتوون ڕەفتار و بیرکردنەوەیان دەگۆڕێ، ڕەفتاری هاوکارانی کار کاریگەری دەرونی و ڕەفتاری دەبێت.

بەپێی وتەی ڕاوێژکارانی بواری خێزانیی و کۆمەڵایەتی، ڕووبەرووی سێ جۆری کەسایەتی جیاواز دەبینەوە لە ژینگەی کاردا:

١- جۆری یەکەم، ستەم لێکراو
ئەم جۆرە کەسایەتییانە وا هەست دەکەن کە لە کۆمەڵگایەکی ستەملێکەر دەژین و هەمیشە ستەمیان لێ دەکرێ، بەردەوام کەسانێک دەکەنە ئامانج و پێیان وایە ئەوان هەوڵ دەدەن لەناوی ببەن، بۆیە ئەم جۆرە کەسانە مامەڵەکردن لەگەڵیان کەمێک سەختە، ناکرێ گوێ لە هەموو ئەو قسانەی بگیردرێ کە دەیڵێ، لەبەرئەوەی ژیان ڕەشبینانە دەبینێت، باشترە لەم جۆرە کاسانە بەدوور بیت یاخود تەنیا لەکاتی پێویستی دا.

٢- جۆری دووەم، میزاجی
ئەم کەسانە ڕاهاتوون لە فێڵکردن و فریودان، بەجۆرێک دەژین کە لەگەڵ ئەوان دا گونجاو بێت و بەرژەوەندی ئەوانی تێدا بێت، ژیرانە هەوڵ دەدەن هەموو ئاراستەکان بۆ بەرژەوەدنی خۆیان بگۆڕن و لە چاکەی ئەوان کۆتایی بێت، بەڵام شتێک کە لەدەستی دەدەن ئەوەیە خەڵکی خۆشی ناوێن، زۆربەی جار بەبێ هاوڕێی ڕاستەقینە دەژین، لە کاتی مامەڵەکردن لەگەڵ ئەم جۆرە کەسانەدا پێویستە زۆر وریابین و نەکەوینە داو و تەڵەکەیانەوە.

٣- جۆری سێهەم، سەرکەتووەکان
ئەم جۆرە کەسایەتییە، کەسانی سەرکەوتوون و سەرچاوەی ئیلهام و وزە بەخشینن، لە کاتی تێکەڵ بوون لەگەڵ ئەم جۆرە کەسانەهەست بە لێبوردەیی و وزەی زیاتر دەکەیت و وا دەکات تۆش ڕێچکەی ژیانت بەرەو باشتر ببەیت.

personality types


سۆران عبدالرحمن
١٠/٤/٢٠٢٠

١٨ پرسیاری کاتی چاوپێکەوتنی کار کە پێویستی بە وەڵامدانەوەی ژیرانەیە.

لە کاتی چاوپێکەوتنی کار دا لەپاڵ پرسیارە باوەکان، کۆمەڵێک پرسیار هەیە پێویستی بە وەڵامی گونجاو و دروست هەیە، کۆمەڵێک لەو پرسیارانە:
  1. باسی خۆت بکە.
  2. خاڵی لاواز و خاڵی بەهێزت چین؟
  3. بۆچی کاری پێشووت جێهێشت؟
  4. چ شتێک بێزاری دەکردی لە کاری پێشووت؟
  5. چۆن کۆنتڕۆڵی خۆت دەکەی کە لە شوێنی کار توڕە بوویت؟
  6. هۆکاری هەڵبژاردنی ئەم کارە چییە؟
  7. چی دەربارەی کۆمپانیاکەمان دەزانی و چی سەرنجی ڕاکێشای؟
  8. چۆن خۆت دەبینیتەوە دوای پێنج ساڵی تر لەم کارە؟
  9. تایبەتمەندییەکانی کۆمپانیای سەرکەوتوو چییە بە بۆچونی تۆ؟
  10. بۆچی پێویست دەکا تۆ وەربگیرێت لەم کارە؟
  11. دەتوانی چی بۆ کۆمپانیا بکەی کە کەسێکی تر نایتوانێ؟
  12. بۆچونت چیە بەرانبەر بەڕێوبەری کاری پێشووت؟
  13. بەهێزترین تواناکانت چین؟
  14. لەگەڵ تەکنەڵۆژیادا چۆنیت؟
  15. گەورەترین ترس چیە لە ژیانتدا؟
  16. کەسایەتی خۆت بە سێ وشە دیاری بکە.
  17. بە چ کەسایەتییەک سەرسامییت و بۆچی؟
  18. پەیام و ئامانجت چیە لە ژیان دا؟



#چاوپێکەوتن #پرسیارەکانی_چاوپێکەوتن #پرسیاری_ژیریی #دونیای_کار #سەرچاوە_مرۆییەکان #کۆمپانیا #دەرفەتی_کار #کارگێری #دەروازە

سۆران عبدالرحمن
٥/٤/٢٠٢٠

ڕکابەری و شکستی ماڵپەڕی ئیبەی لە چین

بەوەی چین وڵاتێکی گەورەیە و ژمارەی دانیشتوانی زۆرە و جموجۆڵی بازرگانی تێدا زۆرە، ماڵپەڕی ئیبەی هەوڵی دا بازاڕەکەی بقۆزێتەوە و تێیدا باڵادەست بێ. لە ساڵی ٢٠٠٣ ماڵپەڕی ئیبەی eBay لقێکی کردەوە لە وڵاتی چین لەژێر ناوی EachNet، نزیکەی ١٠٠ ملێون دۆلاری خستەگەڕ بۆ سەرکەوتن بەسەر ڕکابەرەکەی کە ماڵپەڕی عەلی بابا Taobaoبوو، بۆ ئەمەش ئیبەی ڕێکەوتنی لەگەڵ گەورە کۆمپانیاکانی ڕێکڵامی ئەلیکترۆنی کرد تاکو ڕێکلامەکانی لە هەموو شوێنێک دەربکەوێ و ڕێگر بێت لە دەرکەوتنی ڕێکلامەکانی عەلی بابا، لە لایەکی دیکەوە ئیبەی فرۆشیارانی ناچاردەکرد بڕێک پارە بدەن لەبەرانبەر هەر بەرهەمێک کە لەسەر ماڵپەڕەکە دایدەنێن بۆ فرۆشتن. لەبەرامبەردا عەلی بابا ڕێکلامی لە تەلەفزیۆنەوە دەکرد بەوەی خوێندنەوەیان وا بوو زۆربەی خەڵکی چین سەیری تەلەڤزیۆن دەکەن زیاتر وەک لە بەکارهێنانی ئینتەرنێت، وە دانانی بەرهەمەکان لە عەلی بابا بەخۆڕایی بوو، هەروەها عەلی بابا ئەو بەرهەمانەی نیشانی بەکاربەردەدا کە خوازیاریین و لەگەڵ داواکاریی دەگونجێن،بەمەش ڕێژەی فرۆشی عەلی بابا لە بازاڕی چینی هەڵکشا، لە مانگی ٣ی ٢٠٠٦ گەیشتە ٦٧ لە سەدا. ئەم شکستە بازاڕگەرییەی ئیبەی بووە هۆی دابەزینی ٤٣ لە سەدای ڕێژەی پشکی لە بازاڕدا، لە کۆتایی دا نەیتوانی بەردەوام بێت،
لە کۆتایی ساڵی ٢٠٠٦ هەموو بەرژەوەندییەکانی لە چین ڕاگرت.

ebay-vs-taobao-market-share

#eBay #alibaba #EachNet #Taobao #marketing #management #بەڕێوەبردن #شکستی_کۆمپانیاکان #بازاڕگەری #گەسەپێدانی_خود #دونیای_کار #کارگێری #دەروازە سۆران عبدالرحمن ٤/٤/٢٠٢٠

٦ ڕاستی لە بارەی ژیانی هارلاند ساندەرز دامەزرێنەری کەی ئێف سی

بەرلەوەی ببێتە دووەمین گەورەترین زنجیرەی ڕێستۆرانتی خواردنی خێرا، کەی ئێف سی تەنیا بیرۆکەیەکی نێو خەیاڵی هارلاند ساندەرز بوو، کە ژەمی خێرای ئامادەدەکرد لە وێستگەیەکی سوتەمەنی سەر ڕێگا. تاکو مردنی لە ساڵی ١٩٨٠، هێشتا ساندەرز ڕووی دیار و ناسراوی کەی ئێف سییە، چیرۆکی ژیانی و ڕێچکەی بەناوبانگبوونی زۆر فراوانترە لە ئامادەکردنی مریشکی برژاو!

چەند ڕاستییەک لە بارەی کۆڵۆنێڵ ساندەرز

١- ساندەرز یەکەمین چێشتخانەی لەنێو وێستگەی سوتەمەنی کردەوە
سەرەتا بە ئامادەژردنی ژەمە خواردنی خێرا بۆ شوفێرانی بارهەڵگری ڕێگا خێراکان دەستی پێکرد، لە سەرەتادا مریشکی برژاو لە لیستی خواردنەکان نەبوو لەبەرئەوەی کاتی زۆری دەویست بۆ ئامادەکردن. پارچە گۆشت و گۆشتی بەراز خواستی زۆری شارۆچکەکەی لەسەربوو.
بەڵام دواتر ساندەرز خواردنگەیەکی کردەوە لەسەر ڕێگایەک و دەستی کرد بە ئامادەکردنی مریشکی برژاو.

٢- ڕکابەری بازرگانیی و شەڕە تەقە
ساندەرز سەرکەشانە هەوڵی دەدا بۆ پێشخستنی کارەکەی، کاتێک کە بانگەشەی بازرگانی و تابلۆی دانا، دژایەتی بازارگەرییەکەی دەکرا لە لایەن مات ستیوارت کە بەرێوبەری وێستگەی سوتەمەنی بوو لەو نزیکانە، کە ساندەرز زانی بۆ جاری دووەمە، ستیوارت لەسەر تابلۆ بازرگانییەکانی شت دەنوسێ، چوو بۆ شوێنەکە ، شەڕە تەقە دروست بوو، ساندەرزیش بەرپەرچی ستیوارتی دایەوە و برینداری کرد، ستیوارت بە ١٨ ساڵ زیندانی حکوم درا بە تاوانی هەوڵی کوشتن، بەڵام دوای دەستبەسەرکردنی تاواکانە خرایە ئەستۆی ساندەرز.

٣- ساندەرز لە سوپا دا خزمەتی کردەوە و کۆڵۆنێڵی فەخریی بووە
ماوەیەک لە سوپادا خزمەتی کردوە، پاشان لە کوبا خزمەتی سەربازی کردوە و بووە بە چاودێر، پاشان کراوە بە کۆڵۆنێڵی فەخری لەپای هەوڵ و خزمەتەکانی.

٤- تاقیکردنەوەی چەندین کار
ساندەرز لە ژیانی دا چەندین کاری تاقیکردۆتەوە پێش ئەوەی کینتاکییەکەی سەرکەوتوو بێت لەوانە، کارکردن لە هێڵی شەمەندەفەر، لە کێڵگە، کارکردن لە کەستیگەلی گواستنەوە، فرۆشتنی تایەی سەیارە.


٥- یەکەمین کنتاکی فراید چیک لە یۆتا
مریشکە برژاوەکەی کۆڵۆنێڵ سەرەتا لە سالت لیک ستی لە یۆتا سەریهەڵدا، لە ساڵی ١٩٥٢ کە بوو بە کۆشکی هارمان.
ساندەرز تەمەنی ٦٥ ساڵ بوو کە پشتی بە دابینی کۆمەڵایەتی مانگانە بە بڕی ١٠٥ دۆلار دەبەست،  بە سەیارە فۆردە مۆدێل ١٩٤٦ دەستی کرد بە گەڕان بە تەواوی وڵات دا بۆ بەدەست‌هێنانی گرێبەست بۆ کناتکی فراید چیکن.


٦- شکستی زۆر و باوکێکی خراپ
لە زۆربەی ژیانی کارکردنی دا شکستی هێنا و بازرگانێکی سەرکەوتوو نەبوو، تەنانەت کەی ئێف سی فرۆشت بە ٢ ملیۆن دۆلار،  پاشان داوای یاسایی دژی کۆمپانیاکە تۆمارکرد و داوای ١٢٢ ملیۆن دۆلاری کرد، بووە خاوەنی منداڵیک ،دواتر ژنەکەی جێیهێشت.


Colonel-Sanders


سۆران عبدالرحمن
٣/٤/٢٠٢٠

ئەلفبێی AI ژیریی دەستکرد

ژیریی دەستکرد، کە بابەتێکی زانستی کەمێک سەختە بۆ لێ تێگەیشتن و کارکردن لە بوارەکە، لەگەڵ ئەوەی شتێکی نوێیە، بۆئەوەی ژیری دەستکرد ئاسانتر لێی تێبگەین و بە پوختی لە کۆمەڵێک خاڵ دا کۆبکرێنەوە،
کۆمپانیای گووگڵ بە هاوبەشی لەگەڵ پەیمانگای ئینتەرنێتی ئۆکسفۆرد سەر بە زانکۆی ئۆکسفۆرد لە ماڵپەڕێکی سەر بە گووگڵ ڕێبەرێکیان دروست کردوە دەبارەی ژیریی دەستکرد.

ژیریی دەستکرد AI چییە؟
بۆ ئەوەی بزانین ژیریی دەستکرد چیە و بۆچی بەکاردێت، بەپێی پۆلینی ڕێبەری ئەلف بای گووگڵ و ئۆکسفۆرد، بەپێی پیتەکانی زمانی ئینگلیزی و هەنگاو بە هەنگاو ڕوونکراوەتەوە کە چییە.

AI ژیری دەستکرد


تێگەیشتن لە ژیریی دەستکرد
ئەم ڕێبەرییەی ئەلف بای ژیریی دەستکرد، کۆمەڵێک ڕوونکردنەوەی ئاسان و سادەیە، کە یارمەتی هەر کەسێک دەدات لە تێگەیشتنی کە ژیریی دەستکرد چیە، چۆن کار دەکات، چۆن ئەم جیهانە دەگۆڕێت.

Artificial intelligence
ژیریی دەستکرد، بریتیە لەو پرۆگرامە کۆمپیوتەرییە کە خۆی فێردەبێت و ئەنجام دەدات.

ئەم ناوە دەدرێتە پاڵ هەر سیستەمێکی کۆمپیوتەری کە هاوشێوەی مرۆڤ ڕەفتار بکات.
کەواتە ژیریی دەستکرد، برتیە لە هەر پرۆگرامێک کە لێکدانەوە و توانای هەیە، بۆ نمونە یاریی ئەنجام بدا، وەرگێڕانی زمان بکات بۆ سیستەمە زۆر ئاڵۆزەکان، شیکاری بازاڕی پشکەکان، یارمەتیدان لە دیاریکردنی جۆر و بارودۆخی نەخۆشیی.
مۆبایلە زیرەکەکانی ئێستا لە توانایان دایە، وێنەکان پۆلین بکەن بەپێێ کات،
و تەنانەت ناسینەوەی کەسەکانی ناو وێنەکان و هاوپۆلکردنیان.




Bias
لادان، نەبوونی داتای تەواو یاخود داتای نادروست ڕەنگە ببێتە هۆکاری لادان لە ژیریی دەستکرد دا،
بە واتایەکی تر ژیریی دەستکرد دووچاری لادان دەبێتەوە کاتێک کە ئەو داتایەی پێی دەدرێت تاکو فێری ببێت تەواو نەبێت، و نەگات بە دەرئەنجامی تەواو، لەبەرئەوەی کە داتاکان تاکە سەرچاوەن تاوەکە ژیریی دەستکرد فێرببێت و بتوانێ کاری خۆی بەتەواوی بکات.

بۆ نمونە کاتێک ژیریی دەستکرد فێردەکەی کە پێڵاو چیە و وێنەی پێڵاوی وەرزشی پێ دەدەیت، ناتوانێت پێڵاوی پاژنە بڵند یاخود جۆرەکانی تر بناسێتەوە وەکو پێڵاو.

لادان هۆکارێکە و ئاڵنگەری دروست دەکا کە بتواندرێ ژیریی دەستکرد بەجۆرێک گەشەپێبدرێ کە لەگەڵ هەمووان دا گونجاو بێت، وە دەرئەنجامی لادان لە کردەکان و هەڵسەنگاندنەکانی ژیریی دەستکرد دا دەکرێ مەترسی دروست بکا، بۆیە پرۆگرامسازان و ئەوانەی لەم بوارە کار دەکەن زۆر بە وردی لەگەڵ داتاکان کاردەکەن بۆئەوەی گرەنتی کاری بۆ دەستەبەربکە کە بۆ هەمووان گونجاو بێت.

ژیری دەستکرد_ ناسەرەوەی پێڵاو



Climate
ئاووهەوا، ژیریی دەستکرد بەکاردێت لە ڕووبەڕوبونەوەی گۆڕانکارییەکانی ئاووهەوا - ژینگە.
خەڵکانێکی زۆر لە سەرانسەری جیهان دا ژیری دەستکرد بەکار دەهێنن لە یارمەتیدان و چارەسەری بۆ ئەو دۆخە نالەبارە و دژوارەی گۆڕانکاری ئاووهەوا کە ڕووبەری زەوی بوەتەوە.

چاودێریکردنی گۆڕانکارییە بەردەوامەکانی ئاووهەوا و کۆکردنەوەی داتا و زانیارییەکان، یارمەتی سیستەمی ژیریی دەستکرد دەدا لە شیکارکردنی ئەو زانیارییە ژینگەییانە، وە دیاریکردنی چارەسە کە کاریگەی باشی هەبێت لەسەر کەشوهەوای زەوی و بەشێوەیەکی خێرا.

بۆ بەرەنگاربوونەوەی گەورەترین ئاڵنگەرییەکان کە دوچاری مرۆڤایەتی بوەتەوە، ژیری دەستکرد وەکو ئامرازێکی زۆر باش کاریگەری دەبێت.

ژیریی دەستکرد هاوکارمان دەبێت، لە ڕێکخستنی بەکارهێنانی وزەی پێویست لە ماڵەکانمان دا بە کوژاندنەوەی گەرمکەرەوە و ڕووناکی کاتێک لەماڵەوە دەچینە دەرەوە.

ژیریی دەستکرد یارمەتی زاناکان و لێکۆڵەران دەدات کە چۆن بتوان گەشە و پەرە بە ژێرخانی سیستەمەکان و بەکاربردنی وزە بدەن.

گۆڕانکاری_کەشوهەوا_ژیری_دەستکرد



Datasets
گورزەی داتاکان، ئەو زانیارییانەی کە بەکاردێن بۆ فێرکردنی ژیری دەستکرد.
گورزەی داتا وزانیارییەکان، گەورەترین کۆمەڵەی زانیاری ئەلیکترۆنین کە بەکاردێن بۆ مەشق پێکردنی ژیریی دەستکردن و فێرکردنی.

دەکرێ هەموو زانیارییەکی تێدابێت، وەکو؛ زانیارییەکانی کەشوهەوا، پەستانی هەوا، پلەی گەرمی، وێنە و موزیک، هەر شتێک کە یارمەتی ژیریی دەستکرد بدات.

گورزەی داتاکان وەکو کتێب وان بۆ کۆمپیوتەرەکان.

کۆمەڵە سێوێک، کە پرترقالێکیان لە نێوان دایە، جیا دەکرێتەوە کە لەهەمان هاوپۆل نیە، لەکاتی شیکارکردن و جیاکردنەوەی زانیارییەکان.
وەکو چۆن منداڵ فێردەکرێ لەڕیگای نمونەوە بەهەمان شێوە ئامێرەکانیش، کۆمەڵێک داتا و زانیاری پێ دەدەی تاکو فێری ببێت.

تیمی گەشەپێدەرانی ژیریی دەستکرد، دەبێت بە وردی مامەڵە بکەن لەگەڵ هەڵبژاردنی ئەو داتا و زانیاریانەی کە فێری ژیری دەستکردی دەکەن.
بەهۆی گەورەی و زۆری و ئاڵۆزیی ئەو هەموو زانیارییەوە کە سەخت دەبێ جیابکرێنەوە و پاکبکرێنەوە.

ژیری دەستکرد




بەردەوامە ...

تێبینی: لێرەدا من "ڕێبەری ئەلفبێی ژیریی دەستکرد" بەکاردەهێنم، کە هاوواتای ئەی بۆ زێتە، وە خاڵبەندییەکان و ئە کۆمەڵە پێناسە و کورتە باسەی هەڵبژێردراون، بەپێی گونجاوی و پوختکردنەوە لێرە پۆلێنم کردوە.


نیشانکردن:
ژیریی دەستکرد، ئامێری ژیر، دەستپێشخەرییەکانی گووگڵ، ئامێرەکانی داهاتوو، ئەی ئای، تەکنەلۆژیا
#AI #Artificial_intelligence #google #oii #whatisAI #DerwazeTech


سۆران عبدالرحمن
١/٤/٢٠٢٠

تایبەتمەندییەکانی بازاڕگەر یاخود نوێنەری فرۆشتنی شکستخواردوو

کۆمەڵێک تایبەتمەندی و ئاکار هەن کە وا دەکەن کەسی بازاڕگەر دووچاری شکت بێتەوە لە کارەکەی
لەوانە:
- دواکەوتن لە کاتی دیاریکراو.
- توانای مامەڵەکردن لەگەڵ یەک جۆری خەڵک و بیروڕا.
- گرنگی نەدان بە هەستی کڕیار و بیروباوەڕەکانی.
- نەتوانینی ڕوونکردنەوە و تێنەگەیاندنی کڕیار.
- ڕێگەنەدان بە کڕیار تا قسە بکات، قسەبڕینی بەردەوام.
- پشتگوێخستنی بیروبۆچونی دانوستانکاران
- بەکارهێنانی دەستەواژەی ئاڵۆز کە کڕیار لێی تێناگات.
- بەکارنەهێنانی بەرزی و نزمی تۆنی دەنگ لەکاتی ڕوونکردنەوە.
- بەکارنەهێنانی نوسراو و چاپکراوەکانی وەکو: نامیلکە و برۆشور و کەتەلۆگی بەرهەم یان خزمەتگوزاری.



#بازاڕگەری #نوێنەری_فرۆشتن #مەندوب #بەڕێوەبردن #گەشەپێدانی_خود #دونیای_کار  #business #selfDev #marketer #managemen #دەروازە


سۆران عبدالرحمن
١/٤/٢٠٢٠

کار و کارامەیی

زیاتر »

دەستپێشخەری کار

زیاتر »

گەشەپێدانی خود

زیاتر »

تەکنەلۆژیا

زیاتر »

TOP10

زیاتر »

چیڕۆکی سەرکەوتن

زیاتر »