ژیان کورتە

ژیان کورتە ,
بەهێواشی ماچ بکە
شێتانە پێبکەنە
بە ڕاستی خۆشەویستی بکە
بەپەلە لێخۆشبە

پاولۆ کۆیلۆ_

و . سۆران عبدالرحمن
٢٢-١٠-٢٠١٥

پەیوەستە بە تۆ کە چۆن مروارییەکان بدۆزیتەوە

"جارێک پیاوێک کەوتە دەریاوە، بەلەمێک بەوێدا تێپەڕی ویستی یارمەتی بدا، پیاوەکە وتی نامەوێ خودا یارمەتیم ئەدا، بەلەمەکە ڕۆیشت
بەلەمێکی تر هات و دیسان یارمەتیەکەی نەویست، لە کۆتاییدا پیاوەکە لە ئاوەکە نقوم بوو مرد.. کە گەرایەوە بۆلای خوا ، پرسیاری کرد خوایە داوای یارمەتیم کرد بۆ یارمەتیت نەدام!!
ئیتر پێی ڕاگەیەندرا: دوو بەلەممان بۆ ناردی بەڵام تۆ نەتویست"

ئەمە منداڵە چوار پێنج ساڵیەکە بە باوکی دەڵی بەدەم ڕێگاوە، لەو دەمەی باوکەکە ماندویی ژیانە و دەیەوێ باشتری بکا! لە فیلمی " هەوڵدان بۆ بەختەوەری " 

کە لە چیرۆکی ڕاستەقینەی ژیانی کریس گاردنەرەوە وەرگیراوە لە سەرەتای هەشتاکان کێشمەکێشیەتی بەهۆی بێ شوێنی مانەوە و بەخێوکردنی کوڕەکەی، لە کتێبەکەی دا بە هەمان ناو ئاماژەی پێداوە، دوای ئەو بەسەرهاتە کریس بوو بە جێبەجێکاری گشتی و دامەزرێنەری کریس ڕیچ و یەکێ لە زەنگینەکانی جیهان

لە وتەکانی کریس گاردنەر

"جیهان گوێچکەماسی تۆیە، پەیوەستە بە تۆ کە چۆن مروارییەکان بدۆزیتەوە "

"هیچ کات ڕێگە مەدە کەسێک پێت بڵێ تۆ ناتوانی شتێک بکەی"

 سۆران عبدالرحمن || ٢٠١٥/٤/٤

لێرەش زیاتر
The Pursuit of Happyness
http://en.wikipedia.org/wiki/The_Pursuit_of_Happyness
Chris Gardner
http://en.wikipedia.org/wiki/Chris_Gardner
Chris Gardner Media
http://www.chrisgardnermedia.com/
Gardner Rich & Co
http://en.wikipedia.org/wiki/Gardner_Rich_%26_Co

ڕێوی و حوشتر

ڕێوی لە حوشتری پرسی کە لەو بەری ڕووبارەکەوە وەستابوو ، قوڵی ئەم ڕووبارە چەندە؟
حوشترەکە وەڵامی دایەوە : دەگاتە چۆک
ڕێویەکە خۆی فڕێدایە ڕووبارەکەوە و ئاو دایپۆشی
هەوڵێکی زۆری دا تاوەکو توانی بگاتە لاکەی تری ڕووبارەکە و خۆی رزگار بکات
هەر کە هەناسەی بۆ گەڕاوە دەستی بە هاوارکردن کرد بە سەر حوشترەکەدا و پێی ووت : تۆ نەت ووت ئاوەکە تاوەکو لای چۆکە؟
!حوشترەکە وەڵامی دایەوە بەڵێ وتم تاوەکو لای چۆکمە

و. سۆران عبدالرحمن

٢٤ ی مەی ٢٠١٥

HTML - زنجیرەی فێرکاری زمانی ئێچ تی ئێم ئێڵ

ئێچ تی ئێم ئێل بریتی یە لە زمانی نووسین و دارشتنی پەڕەی نمایشکراو لە ئینتەرنێت دا کە بەکاردێ بۆ دروستکردنی ماڵپەڕ ئەمیش بە پشت بە‌ستن بە پێکھاتەکەی ،کە بریتیە لە تاگەکان و چۆنیەتی رێکخستنیان

زنجیرەی فێرکاری زمانی ئێچ تی ئێم ئێڵ 

یەکەم - ئاشنابوون بە زمانی ئێچ تی ئێم ئێڵ - HTML

دووەم - HTML - با دەست پێ بکەین
سێیەم - ناسين و دارێژتنى تاگەكان - HTML
چوارەم - بەکارهێنانی چەند تاگێک بەیەکەوە - HTML
پێنجەم - کۆمێنت - HTML
شەشەم - كۆمەڵێك لە تاگەكان - HTML