The Art of Negotiation هونەری دانوستان

دانوستان، دیالۆگێک یان گفتوگۆیەکی نێوان دوو لایەن یاخود زیاترە بە ئامانجی لێکتێگەیشتن و گەیشتن بە ڕێکەوتنێک کە لایەنەکانی  دانوستانەکە کۆک بن و متمانە دروست بێت. ڕوونە کە دانوستان چەندە گرنگە و بەتایبەت لە بواری کار دا بەڕێوبەرانی سەرکەوتوو دانوستانی سەرکەوتوو ئەنجام دەدەن.

باسی هونەری دانوستان دەکەین The Art of Negotiation

ئیزادۆر شارب دامەزرێنەری زنجیرە هۆتێلەکانی فۆرسیزنس، ماوەی پێنج ساڵی پێویست بوو تاکو قەناعەتی بە وەبەرهێنەران هێنا کەلە پرۆژەکەی دا بەژداربن، دانوستانی بەردەوام لەو ماوە زۆردا لە کۆتایی دا دەرەنجامێکی بێوێنەی هەبوو کە زنجیرە هۆتێلەکانی فۆرسیزنسی لێهاتە بەرهەم.

شارب، لە باوانێکی پۆڵەندی لەدایکبووە و  پاشان کۆچیکردوە بۆ کەنەدا، و بڕوانامەی ئەندازیاری تەلارسازی بەدەستهێناوە و لەو .بوارە کاری کردوە،  بۆ کڕیارێکی کاری کرد و سەرکەوتنی پڕۆژەکەی بینی، ئەویش بڕیاری دا هۆتێل دروست بکا، بەهۆکاری نەدۆزینەوەی کەسی گونجاو کە یارمەتیدەری بێت لە بونیاتنانی هۆتێلەکەی، لەوبارەیەوە شارب دەڵێت: "لەوە تێنەدەگەیشتم هۆکار چیە خەڵکی ئەو بیرۆکەیەیان لا پەسەند نیە، لە دوای کار ئێواران باسی پڕۆژەکەم دەکرد، بۆ خەڵکم باس دەکرد تاکو باوەڕ بەم بیرۆکەیە   بهێنن، ئەم کارە پێنج ساڵی خایاند تاکو هەموو وەبەرهێنەرەکان کۆبونەوە، کاتێک کە سەرکەشی دەکەیت وە باوەڕت بە بیرۆکەکە هەیە، توانای خۆڕاگریت پێ دەبەخشێت."

مەرجە دانوستان خاڵی هاوبەشی بەرژەوەندی هەر دوولایەنی دانوستانکاری تێدابێت

بنەماکانی دانوستان ئەمانەن:

 ١- پێویستە ئامانجێک هەبێت
 ٢- ڕاسیتیەک کە لەڕێگەی بەرانبەرەکەیەوە پێی بگاتە ئامانجەکەی
 ٣- دوو لایەن یان زیاتر
 ٤- هەر دوولا باوەڕیان وابێت کە بە پەیوەستبوونی ڕاستەوخۆ و کاردانەوەکان کاریگەریان دەبێت
 ٥- هەردوولا باوەڕیان وابێت دەتوانن قەناعەت بە لایەنی بەرانبەر بهێنن

  

تایبەتمەندێتی دانوستان:

دانوستان لەپێناوی ئامانج و دەستهاتووی مەودا کورتە نەک ماوەی درێژ
 ئەمەش بەهۆکاری ئەوەی کە ئامانجی کورت زیاتر ڕوونە و دیاریکراوە

      

مەرجەکانی پرۆسەی دانوستان:

 ١. دەسەڵاتی دانوستان
٢. زانیاری سەبارەت بە دانوستان
٣. توانای دانوستان
٤. ئارەزووی هاوبەش
٥. کەش و هەوای دەوروبەر

      

قۆناغەکانی پرۆسەی دانوستان کردن:

 ١- exploration گەڕان و دۆزینەوە
 ٢- bidding  پێشنیارکردن و خستنەڕوو
٣- سەوداگەری (Bargaining)
 ٤-  جێگیربوون و گەیشتن بە دەرەنجام (Settling)
 ٥- ratifying پشتڕاستکردنەوە

     

  شێواز و  ستراتیژییەکانی  دانوستانکاری سەرکەوتوو

 ١- زانینی تایبەتمەندی کارامەیی بەرامبەر
 ٢- کارکردن لەسەر دروستکردنی متمانە لە نێوان خۆت و بەرامبەرەکەتدا
 ٣- لە سەرەتاوە هەموو کارتەکانت ئاشکرا مەکە
 ٤- سەرچاوەکانی هێزی بەرامبەرەکەت بپشکنە
 ٥- پێداچوونەوە بە بژاردەکان و بەدیلەکان
 ٦- کەی خۆت بە براوە دەزانیت؟
 ٧- لە کاتی دانوستاندا چێژ ببینە

   

  لێهاتووییە بنەڕەتییەکان کە دانوستانکاری سەرکەوتوو پێویستیەتی:

 لێهاتویی خوێندنەوە (Reading Skill)
 کارامەیی بابەتی (Objectivity Skill)
 لێهاتوویی پەیوەندیگرتن (Communication Skill)
 لێهاتوویی زمانی جەستە (Body Language)

  

  چەند ئامۆژگارییەک بۆ باشترکردنی توانای دانوستانکردنت:

 ١-ئامادەبە
 ٢- دوورکەوتنەوە لە شەڕانگێزی
 ٣- واقیعبین بە
 ٤- ورد بە
 ٥- ئارامگربە

  ٨ ڕێسا بۆ دانوستاندنێکی سەرکەوتوو

لێرەدا هەشت یاسای سەرەکی بۆ دانوستاندنێکی باش دەخەینەڕوو:

١. دانوستان وەکو سیناریۆی بردنەوە/دۆڕان سەیری مەکە
٢.  دانوستان گفتوگۆیەکی هاوبەشە
 ٣. هیچ گریمانەیەک مەکە
٤.  بە ئامادەییەوە خۆت نیشان بدە
 ٥.  شتە گرنگەکان بنووسە
٦.  هەندێک جار دەبێت ببەخشیت بۆ ئەوەی بەدەست بهێنیت
 ٧.  شەفاف و ڕوون و ڕاستگۆ بە
٨.  تاکتیک بەکاربهێنە

   

سۆران عبدالرحمن
٤/١٢/٢٠٢٢ 

وەرگێڕی گووگڵ و دیدارێک لەگەڵ سەرۆکی هەرێم

دوا نیوەڕۆی ڕۆژی پێنجشەممە ١٩ی٥ی ٢٠٢٢، لە سەر داواکاری بەڕێز نێچیرڤان بارزانی سەرۆکی هەرێمی کوردستان، کۆمەڵێک لە بەژداربووە چالاکەکانی پرۆسەی زیادکردنی زمانی کوردی سۆرانی بۆ خزمەتگوزاری وەرگێڕی گووگڵ سەردانمان کرد و دیدارێکمان لەگەڵ سازدا، وێرای سوپاسکردن و دەستخۆشی لێکردنمان، پاڵپشتی خۆی و حکومەتی دەربڕی بۆ کاری بەردەوام لەسەر پرۆسەی برەودان بە زمانی کوردی و فەراهەمکردنی و تێکەڵهێشتکردنی زیاتری زمانی کوردی لەگەڵ تەکنۆلۆژیا.

ناوی ئەو بەژداربووانەی کە ئامادەی دیدارەکە بووین:

١. بۆکان حەسەن ، هەڵەبجە.

٢. سەرچیا خورشید، هەولێر

٣. هێرش سەعید، سلێمانی

٤. سۆران عەزیز، چوارقوڕنە

٥. ڕۆشنا عومەر، هەولێر

٦. عەبدوڵا محەمەد، دەربەندیخان

٧. ڕەوەند ئەحمەد، سلێمانی

٨. ئەندام عومەر، هەولێر

٩. هەڵکەوت پشدەریی، قەڵادزێ

١٠. حەقی ئیسماعیل، هەولێر

١١. سۆران عەبدولڕەحمان، هەولێر

١٢. دەوەن سەردار، سلێمانی

١٣. ئارۆ دانا، سلێمانی ١٤. فەلاح شێروانی، هەولێر

دەقی بڵاوکراوەی فەرمی حکومەتی هەرێمی کوردستان

سه‌رۆك نێچيرڤان بارزانى پێشوازى له كۆمه‌ڵێك گه‌نجى داهێنه‌ر دەكات

ئه‌مڕۆ پێنجشه‌ممه‌ 2022/5/19 به‌ڕێز نێچيرڤان بارزانى، سه‌رۆكى هه‌رێمى كوردستان، ‏پێشوازى له‌ ژماره‌يه‌ك له‌و گه‌نجانه‌ كرد كه‌ خۆبه‌خشانه‌ كاريان كردووه‌ و توانيويانه‌ ‏سه‌ركه‌وتووانه‌ زمانى كوردى (شێوه‌زارى سۆرانى) بۆ سه‌ر خزمه‌تگوزاريى وه‌رگێڕانى گووگڵ ‏‏(‏Google Translate‏) زياد بكه‌ن.‏

له‌ ديداره‌كه‌دا چۆنيه‌تيى ده‌ركه‌وتنى بيرۆكه‌ى زيادكردنى زمانى كوردى بۆ ئه‌و خزمه‌تگوزارييه‌ى ‏گووگڵ و قۆناغ و هه‌نگاوه‌كانى كارتێداكردنى و كێشه‌ و سه‌ختييه‌كانى به‌رده‌مى، تا گه‌يشتنى به‌ ‏ئه‌نجام و فه‌راهه‌مبوونى بۆ به‌كارهێنان و سوودلێوه‌رگرتن، له‌لايه‌ن به‌شدارانه‌وه‌ خرايه‌وه‌ ڕوو. ‏هه‌روه‌ها پوخته‌يه‌كيان ده‌رباره‌ى پلان و به‌رنامه‌كانيان بۆ داهاتووى خزمه‌تگوزارييه‌كه‌ و ‏ده‌وڵه‌مه‌ندكردنى به‌ ده‌نگ و گه‌ڕانى وێنه‌يى و ڕێككه‌وتن له‌گه‌ڵ ئه‌و كۆمپانيا ته‌كنه‌ڵۆژيانه‌ى ‏به‌رهه‌مه‌كانيان له‌ كوردستان ده‌فرۆشرێن، بۆ ئه‌وه‌ى سۆفتوێرى كوردى بۆ ئامێره‌كانيان زياد ‏بكه‌ن، باس كرد.‏

هەوڵەکانتان خزمەتە بە زمان و کولتووری کوردی

_نێچیرڤان بازرانی، سەرۆکی هەرێم

سه‌رۆك نێچيرڤان بارزانى وێڕاى ده‌ربڕينى خۆشحاڵى به‌و ده‌ستكه‌وته‌ گه‌وره‌يه‌ى بۆ زمانى ‏كوردى به‌ ده‌ست هاتووه‌، به‌ گه‌رمى ده‌ستخۆشى له‌و گه‌نجانه‌ى ئاماده‌ى ديداره‌كه‌ بوون و ‏هه‌موو ئه‌وانه‌ش كرد كه‌ له‌ كوردستان يان له‌ هه‌ر شوێنێكى ده‌ره‌وه‌ى وڵاتن، بۆ ئه‌م پرۆه‌ژه‌يه‌ ‏و پێشتريش بۆ زيادكردنى شێوه‌زارى كرمانجى و هه‌موو ئه‌و خزمه‌ته‌ى له‌م بواره‌دا وه‌ك ‏دروستكردنى كيبۆرد و فۆنته‌ كوردييه‌كان، ڕه‌نج و ماندووبوونيان كێشاوه‌ و كار و به‌رهه‌م و ‏ئه‌نجامى هه‌وڵه‌كانى هه‌موويانى به‌ مايه‌ى ستايش و ڕێز و پێزانين و خزمه‌ت به‌ زمان و ‏كولتوورى كوردى له‌ قه‌ڵه‌م دا.‏

به‌ڕێز سه‌رۆكى هه‌رێمى كوردستان، هه‌موو پشتيوانييه‌كى بۆ كار و پرۆژه‌كانى ئه‌م گرووپه‌ ‏گه‌نجه‌ خۆبه‌خشانه‌ و هه‌موو ئه‌وانه‌ دووپات كرده‌وه‌ كه‌ ده‌يانه‌وێ له‌ بواره‌كانى ئايتى و ‏ته‌كنه‌لۆژيادا بۆ بره‌ودان به‌ زمانى شرينى كوردى، خزمه‌ت بكه‌ن. هه‌روه‌ها داواى لێكردن كه‌ ‏پێكه‌وه‌ وه‌ك تيم بمێننه‌وه‌ و هاوكار و يارمه‌تيده‌ر و پشتيوانى يه‌كتر بن بۆ ئه‌وه‌ى بتوانن كار و ‏داهێنان و خزمه‌تى باشتر له‌م بواره‌دا بكه‌ن. لاى خۆيانه‌وه‌ ئه‌وانيش وێڕاى خۆشحاڵى، ‏سوپاس و پێزانينيان بۆ پێشوازى و پشتگيريى سه‌رۆك نێچيرڤان بارزانى ده‌ربڕى.‏

بەستەرەکان:

https://web.facebook.com/photo/?fbid=331307085795771&set=pcb.331307175795762

https://twitter.com/KurdistanRegion/status/1527276868570955776?cxt=HHwWgIC-jYuO_bEqAAAA

https://presidency.gov.krd/president-nechirvan-barzani-receives-a-group-of-young-innovators/

https://www.rudaw.net/sorani/kurdistan/1905202215

https://www.zagrosn.com/128834-1

سۆران عبدالرحمن

٢٠/٥/٢٠٢٢ 

هەڵ قۆزتنەوە لەکاتی دروست Uncle Vanya بەنمونە

 بەهۆی جەنگی سەر ئۆکڕانیاوە زنجیرەی چێشتخانەکانی ماکدۆناڵدس بڕیاری دا بەشێوەیەکی کاتی کارەکانی لە ڕووسیا ڕابگرێت، کە ٨٤٧ لقی هەیە لە شارەکانی ڕووسیا.

بەمەش بۆشاییەکی خۆراکیی دروستکرد لە هاوپۆلی زنجیرەی خواردنە خێراکان، لەبەرانبەردا و بۆ پڕکردنەوەی جێگەکەی، زنجیرەی چێشتخانەکانی Uncle Vanya دەرکەوت، لەگەڵ دەرکەوتنی دا تێبینی کرا لۆگۆکەی پیتی B, کە هاوبەرانبەری پیتی V یە لە ئەلفوبێی سیرلیک Cyrillic alphabet بەمەش لێکچوونی نزیکی هەیە لەگەڵ لۆگۆی ماکدۆناڵدس.

پوختەی کەلام ئەوەیە دەکرێ سود لەبارودۆخی قەیراناوی و ناجێگیر وەربگیرێت بە پلان و بەرنامەی دروست.

لەو ڕۆژانەی هەواڵ بڵاوبووەوە مەکدۆناڵدس کارەکانی ڕادەگرێ، بیرم دەکردەوە ئێستا دەرفەتێکە کە کۆمەڵێک زنجیرە و چێشتخانەی لۆکاڵی ڕووسی دەتوانن سود لەم هەلە ببین،

بەهۆی چۆڵکردنی مەیدانەکە و خواستی زۆری خەڵکی بۆ خواردنە خێراکان.

هەڵبەتە ئەم زنجیرە نوێیە خۆراکییەی ئەنکڵ ڤانیا توانی سود لەو دەرفەتە ببینێت و ڕەنگە لە داهاتوو دا ببێتە جێگرەوەی هەمیشەیی مەکدۆناڵدس تەنانەت بۆ سەرەتا و دروستکردنی لێکچوون لۆگۆکەی وا داناوە سود لە تێکەڵکاری بیری کڕیاران وەربگرێ و سەریان لێبشێوێنێ، هەروەکو چۆن ئەمە باوە لەنێو بەرهەمە ساختە یاخود نوێیەکان سوود لە بڕاندی بەناوبانگ دەبینن.

ئەم چەند خاڵەی دەبنە هۆی سەرکەوتنی ئەنکڵ ڤانیا لەم کاتەدا ئەگەر کاتییش بێ، لەبەرەوەی ڕوون نیە جارێکی تر کەی ماکدۆناڵدس دەکرێتەوە لە ڕووسیا؛

- باشترین کات بۆ ناساندنی بەرهەمێکی نوێ، کە بێ ڕێکلام ناسراو و بە جیهان دا بڵاوبوەوە.

- بەدەستهێنانی زۆرترین کڕیار و تامەزرۆی خواردنی خێرا.

- سوودبینین لە لۆگۆ و ناسنامەی بەرهەمێکی کە پێشتر تەواو ناسراو و بەناوبانگە.

٢٢/٣/٢٠٢٢

سۆران عبدالرحمن

 

#بازارسازی #گەشەپێدان #بەڕێوەبردن #بیرۆکە #دەرفەت

پۆپۆلیزم و دونیای کار!

پۆپۆلیزم زاراوەیەکی سیاسیە زیاتر و چەمکێکە بە مانای خۆنمایشکردنی کەسی پۆپۆلیست بەشێوازی کاریگەر کاربکاتە سەر سۆزی دەوروبەر و عەوام لەپێناوی دەستکەوتێک.

لێرەدا نازانم تا چەند ڕاست دەبین ئەگەر ئەم چەمکە (جۆری ستراتیژی و ئایدیۆلۆژییەکەی) گرێ بدەین بە جیهانی کارکردنەوە، کە لە نێو ژینگەی کاردا جۆرەها کارمەند هەیە خاوەن بۆچوون و بیرۆکەی جیاواز و ڕەفتاری تایبەت لە ئیشکردن و جولەکانیان.

کارمەندی مەڕ ئاسا کاری بە دەوروبەری نیە و لە تەڵەکە و فێڵەکانی هاوپیشە و پلانگێرییەکان نیە، لەبەرانبەردا کارمەندی تەڵەکەبازی ڕێوی ئاسا، بە جولە و مەکرەکانی کاری خۆی دا و بۆ گەیشتن بە ئامانجەکانی هەموو ڕێچکەیەکی نابووت دەگرێتەبەر، کەرئاسا کە زۆرترین کار دەکات دووبارە و دووبارە ئەوەش بەزمێکی ترە، کوندەبەبۆ کە زۆرزانە و وریایانە مامەڵە دەکا.

بەجۆرێک هەندێکی هەوڵی دەستخستنی سۆزی هەمووان دەدا لەڕێگەی هێنان و بردنی زانیاری لێرە و لەوێ وەکو مێروولە ڕچەی لێ دەکا، جۆرێکی تر بە خۆ دزینەوە لە ئەرکی سەرەکی و گرێدانی بە کۆمەڵێکی ترەوە لەپێناوی پینەکردنی کەموکوڕییەکانی، تێکەڵکردنی شتەکان و هێشتنەوە بە ناڕوونی، جۆرێکی تر ڕاستەوخۆ ڕووبەری ئەرک نابێتەوە و لەڕێکەی ڕێکخستنی دانیشتن و کۆبونەوەوە بەنمایش زیاتر خۆی دەردەخا.

بۆیە ڕەنگە بتوانین بڵێین، چەمکی پۆپۆلیست بوونی کارمەندیش شتێکی مەحاڵ نیە، کە ئامانجەکەی هەرچیەک بێ هەوڵی عەوامگەرایی و چەواشەکاری دەدا!

یاریکردن لە ژینگەی کاریش جۆرێکە لە سیاسەتکردن، تۆش پێتوایە؟!

سۆران عبدالرحمن
١٢/١/٢٠٢٢

مێروولەی کۆڵنەدەر و یاداشتی کۆتایی لێژنەکە

مێروولەیەکی کۆڵنەدەر و بەتوانا هەبوو، هەموو بەیانییەک پڕ لە وزەوە و چالاکانە بەرەو شوێنی کارەکەی دەچوو، ڕۆژێک شێر بینی مێروولە وا بە چوستی کاردەکات و بێ ئەوەی کەسێک چاودێری بێت، لە دڵی خۆیدا وتی:

"باشە ئەمە بەبێ چاودێر وا کارەکانی ئەنجامدەدا ئەی ئەگەر هاتوو چاودێرێکی بەسەرەوە بێت؟"

بەمجۆرە شێر، سیسرکەی دامەزراند و کردی بە چاودێری گشتی بەسەر مێروولەوە.

یەکەمین بڕیاری سیسرکە ئەوە بوو کە:

١. دانانی سیستەمی ڕێکخستنی هاتن و چوون.

٢. دامەزراندنی سکرتێرێک بۆ نوسینی ڕاپۆڕت.

جاڵجاڵۆکە دامەزرێندرا بۆ بەڕێوەبردنی بەشی ڕاپۆرت و چاودێری پەیوەندییەکان.

شێر دڵخۆش بوو بە بینینی ڕاپۆرتەکانی سیسرکە و داوای پێشکەوتنی ڕاپۆرتەکانی کرد، بەجۆرێک کە وێنەی ئامار و شیکاری زانیارییەکان زیادبکرێن تاکو لە کۆبونەوەی داهاتووی بەڕێوەبەران بیخاتەڕوو.

ئەم بڕیارەی شێر، وایکرد کە سیسرکە کۆمپیوتەرێک بکڕێت و مێش دامەزرا وەکو بەرپرسی بەشی سیستەمی زانیارییەکان.

مێروولەی کۆڵنەدەر بێزار بوو لەم هەموو کۆبونەوانەی کە کاتێکی زۆر دەبەن، ئەو هەموو پێشهاتە نوێ و زۆرانەی کارگێری لە شوێنی کارەکەی.

کاتێک شێر بینی کارەکان سستی پێوە دیارە و وەکو پێشتر نینە بڕیاری دا بە:

١. گۆرینی شێوازی کارکردن.

٢.دامەزراندنی کوللە وەکو شارەزای پێشخستنی کارگێری.

یەکەمین بڕیارەکانی کوللە:

١. کڕینی کەلوپەلی فەراهەمی پشووی کارمەندان.

٣. دامەزراندنی یاریدەدەرێک بۆ هاوکاریکردنی لە دانانی ستراتیژیەتی گەشەپێدان و ڕێکخستنی داهاتەکان.

کاتێک کە شێر پێداچوونەوەی بە تێچووەکان دا کردەوە بینی پێویستە دەستبکات بە کەمکردنەوەی تێچووەکان، بۆ ئەم مەبەستەش کوندەپەپۆی دامەزراند وەکو ڕاوێژکاری دارایی، پاش ئەوەی کوندەپەپۆ هەڵسەنگاندنی دۆخەکەی کرد بۆ ماوەی ٣ مانگ، ڕاپۆرتی بەرزکردەوە بۆ شێر و تێیدا ئاماژەی بەوە دا کە ژمارەی کرێکاری زۆرە.

لە دەرەنجام دا شێر بڕیاری دەرکردنی مێروولەی دا.

ئەمەش مانای ڕاستەقینەی دووبارە ڕێکخستنەوەیە!

و.ن: سۆران عبدالرحمن

#بەڕێوەبردن #کارگێری #دەستپێشخەر #پلاندانان #کارمەند #گەشەپێدان